青少年係亻厓等國家未來个希望，但是現下社會誘惑力真多，以致於分壞人騙，使得這一些青少年因為要在社會爭生存，動不動都要同人相拼蓋暴力。
上禮拜聽耶楊景謀老師个分析，原來，這一些民間收留有問題个青少年个機關，大部份都靠善心个人个捐錢，正可以收留這一些蓋可憐个青少年，政府方面整合性蓋好立意也蓋好，但是就沒想到，就係因為政府恁等个補助沒足規定／要求又一大堆，以致於這一些民間收留个機關做不下去都收起來，講到這就蓋火大。
其實，青少年係涯等國家未來个希望，政府方面一定要投入這个經費，家庭學校要互相配合，不然，你看，這一些蓋可憐个青少年無早早啊同佢等輔導歸正，大仔時節都會變成涯等社會毋定時个炸彈，麼个時節／麼人要受到傷害都毋知，你講係麥。
好!今晡日，涯等就來同楊景謀執行長，來討論現下蓋嚴重个青少年輔導个議題 。現下个青少年在想麼个咧？
到底，現下要輔導這一些出問題个青少年，涯等家庭／學校／社會要仰咧來配合？